Apne cooler ko dhaasu banane ke liye apnaye ye tareeke
Garmiyon ka mausam aana matlab bhayankar dhoop aur garam hawa. Is garmi se ladne ke liye, bahot se log air coolers ka istemaal karte hai. Itni bhayankar garmi mai coolers ko aur effective banane ke liye hum aapke liye kuch tips le kar aaye hai. In tips ko use karke aap apne cooler ko aur effective bana sakte hai aur thandi hawa ka mazza le sakte hai.
- Kamre mai proper ventilation rakhe– aap jis bhi kamre mai cooler rakh rahe hai, dhyan rakhe ki kamre mai proper ventilation ho. AC band kamre mai ache se kaam karte hai par coolers ke saath aisa nahi hai. Coolers ki effectiveness badhane ke liye dhyan rakhe ki kamre mai ventilation ho. Isse kamre se humidity nikalne mai help hogi aur poore kamre mai thandi hawa pahuchegi.
- Water tank mai baraf daale– cooler me paani bharte samay water tank mai baraf daale. Baraf, paani ko aur thanda karne mai help karegi jisse thandi hawa milegi. Aaj kal ke coolers mai alag se ice compartment bhi aane lage hai. Par ek baat ka dhyan rakhe, zaada baraf na daale. Kyunki zaada baraf daalne se cooler ki working mai dikkat aa sakti hai. Aisa isliye kyunki cooler evaporation ke process par kaam karta hai. Agar zaada baraf daalenge to usme baadha ayegi.
- Cooler ko regularly saaf kare– garmiya aate hi hum log aksar cooler ko bina saaf kare bas set karke use karne lag jaate hai. Isse cooler ki shamta par bahot asar padhta hai. Hume cooler ko hamesha saaf karke hi set karna chahiye aur har 2-3 hafto mai uski safayi karni chahiye. Cooler ki ghaas aur blades ko regularly saaf karne se usme mitti ikhatthi nahi hoti aur vo apni poori shamta se kaam karta hai.
- Cooling pads ko paani sookhne de– ye bahot ki fayedemand tip hai. Jaise hi aap cooler on karte hai to pehle sirf pump on kare. Aisa karne se jo cooling pads hai vo paani sookh lenge aur fir jab aap fan on karenge to seedha thandi hawa aayegi.
- Other tips– upar likhi tips ke alava bhi kuch aur tareeke hai jo aap apna sakte hai, jaise ki cooler ko aesi jagah rakhe jaha se poore kamre mai evenly hawa pahuche. Iske alava ek aur tip, din ke samay kamre ki light band rakhe. Light band hone se kamre mai heat kam hogi aur temperature kam rahega to cooler zaada jaldi kaam karega.
In tips ko use karke aap bhi apne cooler ko aur dhaasu banaye aur agar aap naya cooler lene ka soch rahe hai to hamare pass inverter technology wale air coolers available hai. Desert, tower ya personal, hamare pass sabhi tarah ke coolers ki variety available hai.
Thermocool ke air coolers khareede aur bhayankar garmi mai apne ghar ko thanda rakhe.
